Ondorengoak!





MAIATZA

17. Leioako Kultur Etxean, Humore Azokan, kañeroa izango dogu.
18. Etxean garagardoa egiteko ikastaroa. 10:00-etatik 14.30'etara. 15 €/pertsona.
19. Amorebietan. San Isidro'ak direla eta, goizez ikastaroa Amorebietako Zelaieta parkean..
19. Getxoko Andra Mari elizaren zelaian, azoka, San Isidro dala eta.

25. Algorta, azoka telletxen. Uribe-kostako Agro-asanblada.

EKAINA

1. Etxean garagardoa egiteko ikastaroa. 10:00-etatik 14:30'etara. 15 €/pertsona. Urri'rarte ez da besterik izango, uda partean azoka ugari daude eta.

22. Ganetarron festa. Ikataro + dastaketa gurean eta arratsalde partean Gane'n kañeroa.

Gure garagardoen berezitasun nagusia produktu naturala izatean datza. Ez du gehigarririk, ez dago irazia, ezta pasteurizatua. “Fermentazio-garaia” taldeko garagardoak dira (ghienak), mota ezberdinak egiten ditugularik, bere bilakabidean era artisanalean eginak daude.

Ñabardurez josita dagoen ingururik bada, hori jaki eta edariena da, gastronomiaren mundua alegia. Lurrin, zapore, kolore eta oro har sentsazioz beteriko mundua dugu. Jakiaren eta edariaren arteko loturak kutsu berriak dakarguz; non bakoitzak gehitutakoari, elkarren arteko bategiteari esker, ezezagunak zitzaizkigun sentsazioak datozkigu.

Ardoarekin gertatzen dan bezala, garagardoaren munduan ere hainbat mota ezberdin aurkitu ditzakegu. Horien artean kalitate goreneko garagardoak aurkitzen dira: gourmet edo egile garagardoa. Mota hauetako produktuak gero eta hedatuagoak daude, jada garagardogile guztiek halako produktu bat eskaintzen dutelarik euren garagardo zerrendatan.

Zer da garagardo artesanala?

Garagardo fabrika artesanala, txikia da, independientea eta era tradizionalean ekoizten du garagardoa.
Garagardogile artesanalak, harreman estua du garagardo-zalearekin eta hostalariarekin.
Garagardo tradizionala ez dago merkatuaren gorabeheren ezta garagardo fabrika handiek inposatzen duten norabideen menpe.

Zer da Etxeandia Garardauak?

Bizkaiko garagardo fabrika bakarra. Micro-brewery edo garagardotegi txikia da. Garagardo bereziak egiten dituen fabrika da.

Zelakoa da Etxeandia Garardaua?

Pasteurizatu eta iragazi gabea. Naturala da. Botilan ondu egiten da bigarren fermentazioan. Etxeandia Garardaua produktu bizia da. Botilaren beheko aldean dauden sedimentuak bizirik dauden legamiak dira. Horrek garagardoak ondu egiten du, baldin eta garagardoa ondo kontserbatzen badugu.

Etxeandia garardauak autore/egile garardotegi bat da, non bere historia Jon Etxeandirekin hasten da, 1997.etik aurrera. Une horretan, famili tradizio bati jarraituz, garagardoarekin lehenengo frogak egiten hasten da.
Hamar urte baino gehiagoko esperientziari esker, garardaugilean bihurtu eta profesionalizatu egin da.

Garardaugileak, legami, garau eta lupulu mota ezberdinak urarekin denbora ezberdinetan nahastuta amaigabeko aldaera garagardoak sor ditzake. Hemen da sormenezko unibertso bat zabaltzen den unea. Froga eta entsaioak eginez bilatutako zaporea, lurrina, sentsazioak lortu arte.

Alboko menuan, gure garagardogilearekin harremanetan jartzeko dozu.

Gure garardauak %100 lehengai naturalez egina dagoz. Errezeta bakoitza garau eta lupulu nahasketa egokia du, mota bakoitzari fideltasuna mantenduz sentsazioz berriak sortzen direz.

Erabilitako lupulua munduko uztarik onenak ematen dituen lekuetatik ekarria dago: Alemania, Ingalaterra eta Txekiar Errepublika. Garauaren jatorria Euskal Herriko eta Europa erdialdeko nahasketaz egina dago. Alemanian malteatuta, munduko malteriarik onenagaitik (Weyermann).

Gure garagardoa nola ekoizten dugun gehiago jakin nahi badozu erdu gure fabrikara, gure garagardogilearekin hitz egitera, edo galdetu posta elektronikoaren bitartez.

Garagado bakoitzari ekoizketa gunearen inguruko, atxiñeko pertsonai baten izena emon dotsegu, garagardo horren berezitasunekin nolabaiteko harreman edo zerikusia ikusten dotsegula.

Mattin pirata:

Oria, hiru malta eta bi lupulu. Fermentazio bi. 7-8 alkohola.

Garagardo ori argia, gari maltak emoten dotson uher apur bategaz. Lupuluak emoniko mingoztasun nabarrarekin (ez gehiegizkoa). Naiz hartzidura goreneko garagardoa izan, garagardo suabea da. Astebetez 18º ingurutan fermentatutakoa, aste bateko post-fermentazioa eta botilan 15 egunez onduta dago (18 gradutan). Horretaz gain, beste hiru astez hozkailuan borobildu egiten ditu zaporeak. Euskal Herriko Pilsen malta eta Alemaniako Vienna zein gari maltaz soilik ekoiztua. Mittelfruh eta Nugget lupuluei esker fruta lurrin eta mingostasun arina lortzen dute.

Garagardo samurra da, ñabardura leun eta atseginekin. Karbonatazio erdiko garagardoa da, eta horrek bitsez zabala izatea eragiten dau.



Antsonekoa (ALE - indartsua)

LIBE (Basaran garardaua)

Basaran edo Urdulizen esaten dan lez Txarri-okaranekaz ondutako garagardoa dogu. Gorri bizia, gozotasun ikutu bategaz. Fruitu saporea eta lurrin nabaria.

Gabonetako garagardoa da. Gabonetan banatzeko bakarrik ekoizten dana. Beraz urtean behin baño ez da egiten. Basaran edo txarri-okaranekaz onduta dago hilabete batez altzairuzko upeletan. Gero bi hilabeteko itxarotea du botilan, non asko ondu egiten da. Hallertau lupulua erabiltzen da berauen ekoizketan eta horrek mingoztasun gitxi eta lurruntasun asko emoten dotso.
7-8% alkoholarekin. Larrosa kolorea. Ezin izan ditugu IBUak kalkulatu argi bait dago fruituak ere mingoztasuna eragiten diotelako.

Nor zen Libe? Aranak asmaturiko pertsonaia. 1479.eko apiriaren 27an Gaztela eta Bizkaiaren artean izaniko Mungiako gatazkako eroi mitologikoa.

Mari (Ale argi-ori lehuna)

Malta bi (garagarra eta garia) eta bi lupulu. Fermentazio bikoitza. Ale argia.
Garagardozaleek garagardo leun edo suabe baten eske ibil zaizkigu. Espero dugu Mari'rekin garagardo suabe-zaleen gustua hasetzea. Garagardo bikaintzat jotzen dugu, baldin eta egarria kentzeko beharrean bazabiltza eta gauza bereziren bat behar baduzu...

Ondo karbonatatutakoa, leuna saporez eta usaimen loretsua (gure Mittlefrüh lupulu famatua!). Vienna malta eta Gari-argi maltarekin ekoiztua. Freskagarria.

Nor da Mari? Anbotoko Mari, euskal mitologiako jainkosa nagusia da. Ama-lurraren irudikapena izadiaren eta bertoko elementu guztien erregina da.

LAUAXETA

Iñoiz ikusi bako maitale kutuna
neure opa samurrok laztanduten dabe.
Begi gelgarriz dargist bijotzeko iluna,
eta bere larrosak usainduten nabe.
 
Zerutar egak ditu maitasun zaliak;
lurrera baxen sarri so-dagi ortzira.
Bere leuntasun ziar mosu sutsubenak
espan ganian, otoi bijurtuten dira

SANTA CRUZ

Herri lez, jakien inguruan, gure politika propioak definitzeko eskubidea aldarrikatu eta lantzen dogu:

Bisita fabrikara.

Bi eratan antolatuta dekoguz:
A) Bariku arratsaldez 16:00 - 20:00'etara, sarrera doan. Berton garagardoak kontsumitzeko aukera. Erreserba barik, banaka zein taldeka.
B) Taldeka, 10 pertsona gitxienez, 20 gehienez. Bisita dastaketarekin, 5 €/pertsonako.
Adibideak, gure blog-ean.


Garagardoa etxean egiteko ikastaroa.

Hilean behin, norberak etxean egiteko ikastaroa antolatzen dogu.
Gure fabrikan garagardoa egiten irakatzi: zapatu goiz batez garagardoa egiten dogu guztion artean eta etxean egiteko trukoak ikasi: lehengaiak, tramankuluak, ...
Adibideak, gure blog-ean.

Hauek hilean behin lolakean.
Fabrikatik kanpo ere egin leikez. Kontsultatu baldintzak (pdf).
Ikastaro adibide bat: Javi'ren  blog'a (con un par de ruedas).




Dastaketa.

Hilean behin, eskualdeko hostalaritza tokiren batean, dastaketa prestatzen da.
Dastaketa hauetan gure garagardoak janari ezberdinekin nola moldatzen diren azaldu egiten dogu (maridajea).
Garagardoa egiteko prosezua. Lehengaiez.
Garagardo estilo edo mota bakoitzaren karakteristikak.

Dastaketak gure instalaziotik kanpo (ikusi baldintzak pdf formatuan).

Baita Uribe.eu orrialdean.
Uriberen dendan: Etxeandia
Uriberen esperientziak: Etxeandia

Internet Bidez:
On-line Etxeandia Denda
Uribe.eu (Denda)

Dendak, taberna, banaketa puntuak

Ver Puntos de Venta en un mapa más grande

Bizkaian zehar, banaketa errutak

Ver Rutas/Ibilbideak en un mapa más grande